සෑම ප‍්‍රාදේශීය ලේකම් කොට්ඨාසයකම සමථ මුල මණ්ඩලයක් පිහිටුවා ඇත.

ඒ කොට්ඨාසය තුළ පදිංචිව සිටින හෝ වැඩක නියුතුව සිටින,  ක‍්‍රියාකාරී දේශපාලනයේ නියුතු නොවන, මනා සමාජ පිළිගැනීමක් සහිතව ජීවත් වන අය අතරින්  සමථකරුවන් තෝරා ගනු ලබයි.

සමථකරුවන් බඳවා ගැනීම සඳහා වසර 3කට වරක් ගැසට් නිවේදනයක් මගින් නාමයෝජනා කඳවනු ලබන අතර කිසිවෙකුට තමා විසින්ම අයදුම් කළ නොහැක.

ඒ වෙනුවට යම් තැනැත්තෙකුගේ නම, ගැසට් නිවේදනයේ දක්වා ඇති නාමයෝජනා යැවීමට බලය ඇති අයෙකු විසින් නාමයෝජනා කළ යුතුය.

නාමයෝජිත තැනැත්තන් අතරින් සම්මුඛ පරීක්ෂණයකින් තෝරාගන් ලබන අය හට සමථකරණ දක්ෂතා හා උපක‍්‍රම පිළිබඳ පුහුණුවක් ලබා දී එහි දී වඩාත්ම දක්ෂතා දක්වන පුහුණුලාභීන් සමථකරුවන් ලෙස පත්කරනු ලබයි.