1997 අංක 15, 2011 අංක 04 හා 2016 අංක 09 යන පනත් වලින් සංශෝධිත 1988 අංක 72 දරණ සමථ මණ්ඩල පනත මගින් ඇති කරන ලද සමථ මණ්ඩල ආරවුල් නිරාකරණය කිරීමේ විකල්ප ක‍්‍රමවේදයක් ලෙස ලංකාව තුළ කි‍්‍රයාත්මක වෙමින් පවතී. සමථ මණ්ඩල පනත මගින් හා වෙනත් නීති මගින් පනවා ඇති සීමාවන් ට යටත්ව මිනිසුන් අතර ඇති වන ආරවුල් හා අපරාධ නීතිය යටතේ ගැනෙන වැරදි ගණනාවක් සම්බන්ධව අධිකරණයේ නඩු පැවරීමට පෙර සමථ මණ්ඩලයට ගොස් ඒවා නිරවුල් කර ගැනීමේ අවස්ථාව ජනතාවට ලැබී ඇත.

          දැනට බදුල්ල දිස්ත‍්‍රික්කයේ ප‍්‍රාදේශීය ලේකම් කොට්ඨාශ 15 තුළම සමථ මූල මණ්ඩල ක‍්‍රියාත්මක වෙමින් පවති. මෙම සමථ මූල මණ්ඩල 15 තුළ ඒ ඒ ප‍්‍රදේශ වල හොඳ පිළිගැනීමක් සහිත සමාජය වෙනුවෙන් සේවය කිරීමට කැමති 400 ක පමණ සමථකාරවරු පිරිසක් සිය කාලය, ශ‍්‍රමය, ධනය කැපකරමින් සිය සහෝදර ජනතාව පීඩාවට පත්කර ඇති විවිධ වර්ග වල ආරවුල් වලින් ඔවුන්ට සහනයක් සැලසීම පිණිස ස්වේච්ඡාවෙන් කටයුතු කරති. මේ අතර කාන්තා සමථකාරවරියන් 88 ක්ද, දෙමළ ජාතික සමථකාරවරුන් 47 ක්ද, මුස්ලිම් ජාතික සමථකාරවරුන් 17 ක්ද සිටී. මේ සියළු දෙනා සමථකරුවන් ලෙස පත්කර ඇත්තේ  ආරවුල් නිරාකරණය පිළිබඳ මනා පුහුණුවක් ලබා දීමෙන් පසුවය.